]> 2026-05-30T18:37:56+00:00 Antonio Agustin - Latino Latini - 1567-9-2 0 en 41.61476,0.62678 1567-09-12Z 2293648.5 Lettre du 2 septembre 1567: "In nummis quoque ante Augustum Caesarem signatis idem genus scribendi animadvertimus, in quibus est ‘L. Opeimius’, et ‘Floralia preimus fecit’, et ‘eid. Mart.’, et alia id genus, ut etiam in calendario veteri pro ‘idib.’ semper scriptum est ‘eid’. (...) Non ignoro Augusti tempore coepisse pro hac diphtongo ‘i’ litteram maiorem scribi, quae ordinem aliarum litterarum excederet, ita in nummis et titulis Augusti animadvertimus Augustum DIVI F. appellatum, eique civicam esse donatam ‘ob CIVIS servatos’. (...) Idem dicendum est de ‘ou’ diphthongo, namque in titulo quem ad me mittis ‘Nouceriam’ pro ‘Nuceriam’ scriptum esse video, ut in multis veterib(us) monumentis ‘Oufentina’ pro ‘Ufentina tribu’ et in nummis ‘Fourius Crassipes’ et ‘Fouri Phili’ et alia, et in tabulis legum ‘ioudices, ioudicare et ious’. Quae posteriorib(us) temporib(us), omissa ‘o’ littera, usurpata sunt, nonnumquam vero apice apposito supra ‘u’ litteram conscripta, ut in nummis Q. Pomponii Musa. Vetustius est ut Latini longas litteras vocales duplicarent, ut multi testantur, exstantque monumenta Tullianis temporibus vel eis vicinis conscripta, in quibus ‘aa’ pro ‘a’, et ‘ee’ pro ‘e’ et ‘oo’ pro ‘o’ et ‘uu’ pro ‘u’ agnoscimus: sic in nummis Numonius Vaala -quem Horatius Valam appellat illo carmine: “Quae sit hiems Veliae, quod Caelum Vala, Salerni”- et Faustus Feelix et in tabula Genuate ‘Q. Muucio cos.’ et in alia ‘iuus’. (...) Namque sunt quaedam nimis pervetusta, ut in titulo columnae rostratae C. Duilii ‘in · altod · marid · claseis·’ et alia sine ullius litterae duplicatione, ut in denario quodam legi ‘Q. Pilipus’ et apud Plautum ‘med erga’ et alia sexcenta. (...) Sed haec hactenus. Titulum cuius exemplum ad me misisti Cicerone vivo conscriptum fuisse indicium est, quod de fugitivis in Sicilia comprehensis adiectum est; nam et Manius Aquillius et M. Crassus eodem tempore fugitivos comprehenderunt. Quod vero ‘regium’ recte scriptum sit, non dubito, ut ‘regium Lepidi’, et a Graecis video in nummis signatam pecuniam his litteris RHGINWN, nec Strabonem audio aliunde quam a ‘rege’ id nomen deducentem, aut si quem alium Aldus et ceteri sequantur. Sallustianam emendationem tibi placere gaudeo; si per [va] valetudinem licuisset, reliqua habuisses."(Vat. Lat. 6201, f. 2r-3r) 13689 Vat. Lat. 6201, f. 2r-3r Latin latin coin reading language roman augustus pomponius musa vaala greek 13689 Antonio Agustin - Latino Latini - 1567-9-2 Lerida Correspondence.png 2023-04-13T08:47:23Z 2460047.8662384 2023-04-13T08:47:23Z 2460047.8662384 true Antonio Agustin - Latino Latini - 1567-9-2 0 0 plainlist leaflet 1 [[:Antonio Agustin - Latino Latini - 1567-9-2]] Antonio Agustin - Latino Latini - 1567-9-2# QUERY68b0779272b97710bcb76cd8d143252b 0 0 csv 1 [[:Antonio Agustin - Latino Latini - 1567-9-2]] Antonio Agustin - Latino Latini - 1567-9-2# QUERYba9a59c1827ae3209feb145bf8bc5b8a